Claramunt/wln
Un article de Wiki des 3 ans des RR.
(en català) (en français)
Pau Claramunt di Sårolea djåze sacwants lingaedjes (walon, francès, castiyan eyet catalan), la k' il a viké dins sacwantès coines do Sint Impire, do Rweyåme di France eyet el Catalogne. C' est låvå, el Corone d' Aragon, k' il a cmincî a griper; il î fourit mayeur di Lleida, conseyî åzès prumî et deujhinme govienmints cwand l' corone d' Aragon esteut co dzo moennance militaire; et minme i saya d' ariver a-z esse li 3inme govierneu. Ene atake di baligands l' a cåzu touwé, et il a dvou dmorer sacwants moes å lon del Catalogne; cwand i rtourna i s' egadja dins l' pårti La Menestralia eyet esse mayeur del veye di Vic deus côps en erote eto comissaire di comiece et ds ôtès plaeces di govienmint.
Sommaire |
Si djonnesse
Pau Claramunt vina-st å monde e hamtea di Sårolea, nén lon erî del mwaisse veye del Principåté d' Lidje, wice k' i passa si efance. Cwand i cmince a crexhe, i s' egadje ezès wådes walones, eyet parcori sacwantès redjons do Sint Impire.
E moes d' djun 1454 i s' dismobilijhe, cwand il esteut a Poligny (oubén Luxeuil), el Franke Contêye, mins bén rade i bague-st a Montmirail, e Maine (Rweyåme di France) k' esteut-st adon e peuplumint.
Si vicåreye a Montmirail
Pau Claramunt va-st arriver a Montmirail do tins do conte Chocoboy, et waire di tins dvant li prijhe del måjhon d' veye paski l' mayorresse Sylla aveut disparexhou; ces evenmints, k' i n' end a nén pris pårt et k' i n' comprindrè k' pus tård tote l' impôrtance, vont esse si prumî contak avou les evenmints politikes.
Låvå i va dmorer bråmint do tins; aveur des tchamps, on molén... Si måjhone a stî tchoezeye a ene plaece sitratedjike: pa dvant li "La Bodega de Dame Cocholat" (come on loméve dame Xenia), li meyeu cåbaret del veye, wice ki l' På Claramunt va passer bråmint do tins, eyet aprinde bråmint de cene ki probåblumint a stî ene des meyeuses cåbartresses di tots les rweyåmes (ci fourit ene grande tristesse po bråmint des djins cwand on a sepou k' ele aveut morou el Swisse, e fevrî 1455).
Voyage en Alençon, terre e conflit
Pus tård, i voyaedja e l' Alençon, po cnoxhe li contêye, eyet po siervi d' temoen dins l' duwel d' on camaeråde.
Cwand il ariva li contêye esteut e plin skete-manaedje; des revolaedjes tos les djoûs, et l' mitan des djins å prijhon.
A tchaeke veye wice k' i passéve, li situwåcion divneut co pé; après sacwants djoûs, l' Conte est tapé djus et fur avou s' feme (ki les djins djhént ki c' esteut leye ki poirtéve li marone et controler l' Alençon) eyet l' ancyin tchîf del police (end a ki djhèt k' il ont pris avou sacwants cwårs).
Cwant å duwel, i s' passa foirt bén, eyet Claramunt wangna l' fiyate d' ambedeus duwelisses, eyet co del dame k' end esteut l' cåze.
C' est insi ki ArS3NiC lyi propôza di divni sôdård dizo ses ôres; çou k' i va-st accepter, eyet e rintrant a Montmirail Pau Claramunt s' egadja dins l' cazer del veye. Si foice va crexhe cranddimint, avou on redjime refoircî, ki lyi permete di wangnî 5 ponts d' caracteristikes so on djoû (do moens, tant k' i pout shure l' alure di dispinser pus d' 50 liårds par djoû po magnî) ey insi passer di 0 a 49 ponts d' foice en on tins recôrd.
Arivêye a Lleida
Cwand li corone d' Aragon va esse askepieye, i pårta eviè Lleida, dizo èn ôte no (Claramunt).
Il î ariva li 8 ou 9 di djulete 1454, c' esteut sipesse nute, Lleida esteut co on ptit viyaedje, et i n' trova nolu, ça fwait k' i s' astala dins on cåbaret (k' esteut vude et froed) po-z î doirmi. Li londmwin, i l' cominça a netyî, eyet a berdeler avou les cis k' intrèt-st å cåbaret, a dner l' bénvnowe et des conseys åzès noveas vnous. Et cwand l' mwaistresse do cåbaret, dame Jadwiga, rivna, ele lyi dna l' posse di cåbartî, et lyi fé cnoxhe des djins foirt impôrtants, come li Djha d' Volpilhat, conte d' Urgell.
I fjha nén seulmint do cåbartî, mins eto d' acleveu d' pourceas, d' bedots et eto pa côps d' bokion.
Si montêye
Cwand li prumî govienmint del corone d' Aragon s' a metou so pîs, i n' aveut nén bråmint des natifs, ou des djins ki polexhe cåzer les lingaedjes do payis, ki srént eto des djins d' esperyince come po-z ocuper des tchedjes oficires. Jehan pinsa ki Pau Claramunt corespondéve a ces egzidjinces la, eyet l' fijha-st intrer å prumî consey del contêye, wice k' i fjha di poite-parole, tchançlî del Corone eyet ambassadeu (el Burtaegne, Lengadoc, Province, Dôfiné, inte des ôtes).
On l' loma eto mayeur di Lleida, après l' moirt pa des baligands do mayeur legitime.
Si posse di poite-parola a stî foirt ahessåve tins do deujhinme govienmint, la k' a wangnî ene lisse di francès ki n' estént nén capåves di comuniker avou les djins; sins les efoirts di Claramunt prôbablumint ki l' manke di comunicaedje åreut stou totå.
Les idêyes di Jehan, di fé del Catalogne, et di tote li corone d' Aragon e djenerå, on teritwere foirt eyet avou ene personålité unike, ont disfalou après aveur pierdou les prumîs vôtaedjes, wangnîs pa des francès avinturîs. Adon tos les pordjets d' lwès s' astantchît, eyet ci fourît deus moes d' rotine et d' inactivité.
A on moumint dné, i gn ourit l' idêye, po-z aidî cisse tere, di fé on côp d' Estat conte les francès; Pau Claramunt participa a des raploûs screts avou ds ôtès djins impôrtantes, mins on ariva al concluzion k' ene guere civile avou les francès k' avént adont l' pouvwer en poléve nén, avou les foices des patriotes d' adone, esse wangneye, et ki l' meyeuse sitratedjeye esteut d' ramonçler des foices po pus tård.
Si disparexhaedje
Dins ç' deujhinme govienment, i va continouwer come poite-parole, tchançlî et ambassadeu. Et c' est tot alant al Province et Dôfiné, k' i s' fijha-st ataker pa des bandits, ki l' ont leyî po moirt.
Après çoula, i n' ourit pus nole novele di Claramunt; bråmint des djins ont pinsé k' il aveut morou.
Mins i n' aveut nén co morou, seulmint piede li memwere (et minme si rshonnance fizike aveut candjî). Ene côpe di pôves vîs ki viként el montinne l' avît trové, et i va viker avou zels, so les tienes des Alpes, 11 moes å long, po rprinde des foices.
Cwand il ourit rpris ttafwaitmint ses foices, i dischinda-st al veye. Fizicmint rifwait, paski l' memwere n' aveut nén co rivnou.
C' est inci k' il ariva a Pontarlier li 27 di setimbe 1455, et dva racmincî a pårti d' rén.
(bén rade pus d' infôrmåcions, tot ratindant, vos ploz aler vey si fitche: http://www.lesroyaumes.com/FichePersonnage.php?login=S%E5rolea ou co sol modêye e catalan)
